ახალი ამბები | ფერმერთა პორტალი

ოთარ შამუგიამ შიდა ქართლში სამელიორაციო ობიექტები დაათვალიერასიახლეები

17/08/2018

შპს „საქართველოს მელიორაციის“ გენერალურმა დირექტორმა, რეგიონალური სამსახურის წარმომადგენლებთან ერთად, შიდა ქართლში არსებული სამელიორაციო ინფრასტრუქტურული ობიექტები დაათვალიერა.

ოთარ შამუგია გაეცნო იმ მიმდინარე და დაგეგმილ პროექტებს, რომელსაც შპს „საქართველოს მელიორაცია“ ამჟამად ახორციელებს და გეგმავს მომავალი სარწყავი სეზონისთვის.

ამ დროისთვის რეგიონში ოთხი სარეაბილიტაციო პროექტი მიმდინარეობს. მათი დასრულების შემდეგ, გორის მუნიციპალიტეტის 1000 ჰექტარ სასოფლო-სამეურნეო მიწის ფართობზე გაუმჯობესდება სარწყავი წყლის მიწოდება, ხოლო დამატებით 150 ჰექტარი ფართობი მოირწყვება.

2012 წლიდან დღემდე შიდა ქართლში საქართველოს მელიორაციამ 53 ინფრასტრუქტურული პროექტი განახორციელა. მოწესრიგდა და გაიწმინდა 5000 კილომეტრამდე არხი და შეკეთდა 1 976 ჰიდროტექნიკური ობიექტი, მათ შორის, 14 სატუმბი სადგური და 7 სათავე ნაგებობა.

აღნიშნული ინფრასტრუქტურული სამუშაოების შედეგად, ადგილობრივებმა 10 787 ჰა მიწის ფართობის მორწყვა შეძლეს, 8 030 ჰა სასოფლო-სამეურნეო სავარგულზე კი გაუმჯობესდა სარწყავი წყლის მიწოდება.