ახალი ამბები | ფერმერთა პორტალი

უხვი ნალექის შედეგად გამოწვეული სალიკვიდაციო სამუშაოებისიახლეები

06/05/2019

შპს „საქართველოს მელიორაცია“ მეორე დღეა სტიქიით გამოწვეულ სალიკვიდაციო სამუშაოებშია ჩართული.

თელავის, საგარეჯოს, ყვარლის და ლაგოდეხის მუნიციპალიტეტებში მძიმე ტექნიკა მუშაობს, სადაც ძლიერი წვიმის შედეგად ადიდებულმა მდინარეებმა მიმდებარე ტერიტორიები დატბორა.

საგარეჯოს მუნიციპალიტეტში უხვი ნალექისგან დაგროვილი შლამისგან გაიწმინდა ანთოკისხევი, ლაგოდეხში მოწესრიგდა სოფელ მაწიმის და ჭიაურის სავარგულები;

სტიქიით გამოწვეული სალიკვიდაციო სამუშაოები ჩატარდა თელავის მუნიციპალიტეტის სოფელ კურდღელაურსა და ფშაველში; ასევე, ყვარელში წვიმის შედეგად ადიდებული მდინარე დურუჯის მიმდებარე ტერიტორია გაიწმინდა და მოწესრიგდა.