ახალი ამბები | ფერმერთა პორტალი

ტაშისკარის სარწყავი სისტემის რეაბილიტაციასიახლეები

23/01/2018

ქარელის მუნიციპალიტეტში სარწყავი წყლის მიწოდება 500 ჰექტარ სასოფლო-სამეურნეო მიწის ფართობზე გაუმჯობესდება.
გარემოს დაცვისა და სოფლის მეურნეობის სამინისტროს „საქართველოს მელიორაცია“ ტაშისკარის სარწყავი სისტემის სარეაბილიტაციო პროექტს ახორციელებს.
აღდგენითი სამუშაოები უშუალოდ გომი-აგარის მონაკვეთზე, გ-1-4 გამანაწილებლზე მიმდინარეობს. სისტემას უტარდება სრული რეაბილიტაცია.
სამუშაოების ფარგლებში შეიცვალა და დამონტაჟდა ახალი რკინაბეტონის პარაბოლური კვეთის ღარები, გაიწმინდა დიუკერი. ასევე, ეწყობა 3 წყალგამანაწილებელი და 15 წყალგამშვები ჭა.
რეაბილიტირებული სარწყავი სისტემით სოფლები - მოხისი, აგარა, ქვენატკოცა და მოხისის დევნილთა დასახლება ისარგებლებს.
სარეაბილიტაციო სამუშაოები მიმდინარე წლის გაზაფხულზე დასრულდება.